Innlent

Útflutningsskrifstofa íslenskrar tónlistar stofnuð

Útflutningsskrifstofunni er ætlað að styðja við útrás íslenskra tónlistarmanna.
Útflutningsskrifstofunni er ætlað að styðja við útrás íslenskra tónlistarmanna.

Útflutningsskrifstofa íslenskrar tónlistar var í dag formlega stofnuð við athöfn í Þjóðmenningarhúsinu. Með henni á að leitast við að efla og skapa sóknarfæri til handa rétthöfum tónlistar og auka möguleika íslenskra fyrirtækja og einstaklinga í tónlistarútrás og í að ná árangri í alþjóðlegum viðskiptum á þessu sviði, eins og segir í tilkynningu frá utanríkisráðuneytinu.

Útflutningsskrifstofan verður þjónustu- og upplýsingamiðstöð fyrir tónlistargeirann og á sér fyrirmyndir annars staðar á Norðurlöndum. Að skrifstofunni standa Samtónn, sem eru samtök tónlistarrétthafa, og Landsbanki Íslands, en auk fjárframlaga frá þeim leggja utanríkisráðuneyti, menntamálaráðuneyti og iðnaðarráðuneyti til fjárframlög til reksturs Útflutningsskrifstofunnar. Framlög ráðuneytanna nema tíu milljónum á ári sem er ríflega helmingur af því sem það kostar að reka skrifstofuna

Fréttir Innlent Stj.mál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið